اخبار الامتحانات ؟؟؟

تذكير بمساهمة فاتح الموضوع :

السلام عليكم
ازيكم عملتوا ايه في امتحان الباثولوجي ده؟؟؟؟؟؟؟؟؟؟؟؟؟؟؟؟

السلام عليكم
أزيكم يا جماعة عاملين ايه؟
وايه أخبار الامتحان معاكم
هو الامتحان كان كويس و دكتور البيطار طلع طيب مع ان الامتحان كان طويل شوية
بس الحمد لله انه عدي يارب عقبال ما نخلص خالص ان شاء الله

وعليكم السلام
ازيك يا بوسى
الامتحان بصراحة كان تمام وكويس جدا بس فعلا كان طويل شوية لأ شوية ايه دا شويتين تلاته
بس فعلا الحمدلله انه عدى على خير

بس قوليلى هنا ايه دكتور البيطار طلع طيب
هو انتى كنتى مستنية الامتحان عشان تحددى ولاايه

د.حسين ده بجد والله مشفتش حد ف طيبته ولا حبه لينا حد فعلا يستاهل الاحترام والتقدير فكليتنا ربنا يكرمه ان شاء الله


ويكرمنا ونخلص بقى الواحد خلااااااااااص جاب آخره فالسنة دى

الحمد لله الدكتولا حسين جاب لنا امتحان حلو قوي في الفارما
واهو خليها تشيل الميكرو اللي اتضرب

السلام عليكم
ها يا جماعة انتوا فين عملتوا ايه في امتحان البارا
متهيألي انه كان معقول لا سهل ولا صعب
لا والدكتورة نورس سابت كل رسومات المنهج اللي صدعت نفسي بيها الصبح وجابت رسمة مش متوفعة خالص ده انا مبصتش فيها اصلا ده انا حتي معرفتش أألف فيها سبتها فاضية خالص وعشان كمان الوقت مكنش مكفي أصلا وكمان سؤال الMCQ ده برضه كان فيه حاجات تلخبط بس هو المستوي العام معقول لا سهل ولا صعب
الحمد لله انه عدي وخلصنا خلاص امتحانات أخيرا

اهو ما نقدرش نقول غير الحمد لله علي كل حال

والاهم اننا ندعي اللهم عاملنا بكرمك لا بقسطك

ازيكم ياجماعه
يعنى هو الامتحان فعلا مش وحش ولا حلو بالدرجة اللى هى يعنى
اللى يشوفه يقول انه سهل وكده بس لأ
بس انا اللى قاهرنى انه اغلبه تيرم تانى والواحد ذاكر الكتابين بالتساوى
على اساس امتحانات السنين اللى عدت كان التيرم الاول عادى بيجى كتيير
يعنى الواحد عالاقل كان ركز وراجع عالتيرم التانى يلا الحمدلله على كل شئ
بس عامتا خير وربنا يستر باذن الله

طبعا السيكولوجى مش محتاج كلام
ولو انى اشك انى ممكن اعدى منه هههههه بس خير باذن الله وان جت فيه مش مشكلة بس مش تيجى فحاجة تانيه لا سمح الله...
المهم انهارده حصل حاجة غريبه فالامتحان دكاترة سنة خامسه كانوا عندهم شفوى communityواحنا بنمتحن وهما واقفين والصوت العالى ولا كأن فى امتحان لزمايلهم والمراقب يزعق ويهزأ بمعنى اصح وهما مفيش بردو

اللى ضايقنى انهم مش محتاجين ان حد يزعق فيهم عيب اوى لما دكاترة يبقوا واقفين كده كاننا قاعدين فى سوق ومفيش اى مراعاه للامتحان اللى شغال ولا للدكاتره الكبار المراقبين علينا....محدش يزعل منى ياجماعه بس انا فعلا اتضايقت وكان لازم اتكلم بدل مااقعد احرق فدمى .....يلا حصل خير...


واخيرا خلصنا الامتحانات وخلصت سنة تالته
وعدت بكل مافيها من قلق وتوتر وشدة اعصاب
نستنى بقى النتيجة وتوترها ههههههههه
بس الواحد عمل اللى عليه والباقى بقى نسيبه على الله
وربنا يستر باذن الله ونعدى كلنا على خير وبتقدير كويس باذن الله

المهم انهارده حصل حاجة غريبه فالامتحان دكاترة سنة خامسه كانوا عندهم شفوى communityواحنا بنمتحن وهما واقفين والصوت العالى ولا كأن فى امتحان لزمايلهم والمراقب يزعق ويهزأ بمعنى اصح وهما مفيش بردو

حضرتك الى بيتعمل فينا مش قليل سواء فى الاطفال او النسا او الكميونتى يعنى اتنين جت على التالتة
فكان اقل حاجة اننا نتكلم بصوت عالى وثانيا هما ليه يمتحنوكوا بعد منا اصلا هما مش عارفين ان احنا هنطلع نتناقش فى الحاجات دى كانوا عملو حسابهم

حضرتك اللى بيعملوا فيكم ده بعيد كل البعد عن الصوت العالى
وبعدين كان ممكن تعملوا اللى انتوا عايزينه تحت مااظنش ان كل اللى كان واقف كان داخل الشفوى
اما بالنسبه ليه يمتحنونا بعدكم فدى مش مشكلتى
انا مشكلتى انى بالفعل كان عندى امتحان بعدكم
وأيا كانت المادة سهله او صعبه فاسمه امتحان
وزى ماحضرتك امتحنت ومحدش ضايقك فانا اكيد ليا الحق ده.....
ومااظنش انه لو الموقف اتعكس حضرتك كنت هتبرر تصرفنا على انه طبيعى يعنى وكنت هتحل وانت ساكت ومش متغاظ فالامتحان .....
الفكره ان التصرف مش صح
وطلبه مش قادرة تحكم نفسها ...


واخيرا سؤال


هو حضرتك كنت منهم؟؟؟؟؟؟

لو اه فانا اسفة جدا ماكنش قصدى حاجة

ولو مش اه بردو انا اسفة جدا ماكنش قصدى اضايق حد او انقد حد او كده
كل الحكايه تصرف مش عجبنى وحبيت اقوله بدل مااطق من الغيظ


وحقك عليا حضرتك ودفعة سنة خامسه كلها عشان محدش يزعل

ازيكوووووا اولا
مبروووك انكو خلصتو ا على خير
عندك حق يا دك نااااادين
بس خلاص بقا فوتى ولا نطقى من الغيظ ولا حااااااااااااااااجة
الحمد لله ان احنا خلصنا وان شاء الله عقباااال النتيجة

السلام عليكم
أزيكم جميعا مبروك علينا الاجازة ومبروك علينا أفتتاح المنتدي اشتقناله خااااااااااااااااااااااالص والله
ومعلش يادكتورة نادين خلاص بقي متزعليش مفيش حاجة في الدنيا تستاهل انك تحرقي في دمك في الاجازة اللي جت بعد طووووووووول انتظار وشوقة قوي المهم خلاص اننا خلصنا امتحانات ولونه ده ميمنعش قلق انتظار النتيجة برده يارب تكون خير ونتيجة سعيدة علينا كلنا باذن الله

مبروك للجميع انتهاء الامتحانات وعقبال النجاح



وياريت بقى ما نغبش تانى

يا جماعة محدش يعرف النتيجة امتي حد يرد ضروري ويا ريت تدعيولي بجد عشان الامتحانات مكنتش حلوة معايا يا رب كلنا ننجح ومتزعلش حد

ربنا يوفق الجميع ويسترها مع الكل
بس بصرااحة مش عارف امتى

انا سمعت انها هتبان بعد نتيجة الثانوية العامة بيوم او اتنين يعني لو النتيجة هتبان يوم 14 نتيجتنا احنا هتبان يوم 15 او 16 باذن الله بس ان شاء الله خير وتكون النتيجة حلوة يارب والله اعلم

طب واحنا علاقتنا ايه بالثانويه العامة
ولا هو لازم يبقى فى مصيبتين فبيتنا

بس هى فعلا السنة اللى عدت ظهرت بعد ثانوى عام
يلا ربنا يستر

اخر كلام النتيجه يوم الثلاثاء 14/7 وربنا يستر عالميكرو