باركولى خطبنى عضو من المنتدى

تذكير بمساهمة فاتح الموضوع :


[/b]

على فكره يا د.يحيى انا ماقولتش انى بأيده خالص
انا بتكلم بهزار ردا على كلام د.خيرى
ليس اكثر ولا اقل
وبردو مايمنعش انه لكل قاعده شواذ

أنا عارف إنه كان هزار طبعا ..

لكن أنا حبيت أكتب رأيي بصراحة في الموضوع الأصلي .. لأني ماحطتش رأيي في الأول ..

و بعدين لكل قاعدة شواذ ... ما أعتقدش في الموضوع ده بالذات .. و بعدين أديكي قلت بلسانك : شـــــــــواذ .. يعني مش طبيعيين ( abnormalities )

هههههههه
حلوة abnormalities دى

انا مع دكتور يحيي في رأيه
دي فعلا ظاهرة غريبة بس انتشرت ف الفترة الاخيرة
ومن رأيي انها من أفشل طرق الزواج

أنا قلت abnormalities لأني مارضيتش أقول كلمات أكثر حدة ..

و بعدين للأخت بوسيكات : هو ليس من أفشل الطرق .. بل الأفشل ( The Most One ) يعني ما أعتقدش إنه فيه طريقة أفشل من كده أصلا ( إلا في ش. الهرم )

لإن إيه اللي يخلي واحد يترمي على واحدة ما يعرفش عنها حاجة إلا إذا كان فيه إنّ .. و إيه اللي يخلي واحدة تترمي على واحد إلا إذا كان فيه إنّ ..


و الله أعلم

على ما اعتقد عرفنا وجهات النظر كلها

والاقرب الى الصحيح انه فى تقارير توكد ان فى مصر نسبه عنوسه تتجاوز 35%

من نساء مصر ونسبه تتقارب معها عربيا

ومع ذلك فانه عادى ممكن يكون النت زى طريقه الخاطبه زمان

واحنا مقلناش انهم يتزوجو على طول ده بتبقى مجرد تعارف يعقبه زواج

يعنى بتبان الحقائق سريعا من كام مقابله فى بيت العروسه

والى ربنا كاتبه بيكون

على رأيك د. صافي ..

بس هل تعتقد إن ارتفاع نسبة العنوسة هي بسبب إن الراجل أو الست مش لاقي الطرف الآخر ؟؟

لا . السبب هو في ظروف الحياة القهرية و المصاريف الصعبة ، و كذلك في نسبة البطالة العالية جدا .. فإذا كانت نسبة العنوسة حوالي 35 % فإن جزء منها بسبب البطالة ، لإن الشاب إذا كان غير قادر على تدبير لقمة عيشه فكيف يبني بيتا يكون مسؤولا عنه ؟؟

و مشكلة أخرى هي المغالاة في المهور و الشبكة و تجهيز البيت ..
و للأسف : الناس تنظر لما في يد بعضها ، و العين محطوطة على كل حاجة .. فالواحد مايلحقش يتهنى بما في يده ليجدها أصابها مصيبة بسبب العين


و الله أعلم و هو الهادي إلى سواء السبيل

انا بأيد د.صافى فى رأيه على ان النت ممكن يكون زى طريقة الخاطبه زمان
يعنى بنسبه 70 %....
لانه فعلا احنا ممكن نعتبرها ما الا انها وسيلة للتعارف مش اكتر
يعنى ماهو واحد ممكن يشوف واحدة فالشارع وتشده فيبدأ يسأل عنها ويتقدم
ومش بيكون يعرفها ...
يعنى لو حد هيعرف حد من النت اكيد مش هيجى كده خبط لزق يتقدمله
واكيد فى فتره خطوبه ...هى المشكله ان طريقة التعارف مش محبوبه او مش مستساغه لاسماعنا ...
طب ماهو ايه فرقه عن جواز الصالونات ...واحد يقعد يدور على عروسه ويتقدم بدون اى سابق معرفة
والله اذا كان مناسب اهلها بيوافقوا مش مناسب بيرفضوا
وبعدين بقى الخطوبه هى اللى بتكشف عن الشخصيه ...
وبعدين هى مش فكره انه بقى موضه او كده متهيألى انها ماهى الا وسيلة للتعارف زى الشارع القطر التليفون الكليه اى حاجة يعنى ...وبعدين كون الشخص يدخل من باب البيت فده شئ يدل على حسن النيه بردو مش فكره خالص انه اكيد فى إنّ زى ماد يحيى بيقول
يعنى هيكون فى ايه مثلا ....


عموما انا مش بقول انى بأيده او اشجعه يعنى
بس زى ماقلت ل د.يحيى انه لكل قاعده شواذ ولا بلاش شواذ
نخليها لكل قاعده استثناء ...

د.على مرسى نزلنا الموضوع وسابنا وبقاله فتره مش باين لعله بخير
ويرجعلنا بالسلامه

طولت عليكم معلش بس اتمنى انى اكون وصلت رأيى صح ومش يتفهم غلط

الراى وصل

بصو بقى يا جماعة موضوع انى واحد يعجب بطريقة كلامة او ردودة فى المنتدى دى اكيد مش طريقة للجواز فعلا واكيد هيكتشوا فى بعض اختلافات كتير جدا بعد كدة وبعدين زى ما انتوا قلتوة انى احنا بنستخدم النت فى التعارف مش فى البحث عن عروسة بس من ضمن الاحتمالات انى يكون التعارف على انهم اصدقاء وبس ولكن بعد التحدث ومقابلة كلا منهماالاخر يؤدى للزواج وممكن يكون زواج ناجح كمان لاننا بسبب استخدمنا للنت وصلنا للزواج التقليدى وكان النت ليس الا مجرد سبب فى التعارف وبعد كدة ممكن ينسوا اصلا انهم اتعرفوا على النت وممكن كل دة ما يحصلش اصلا ويفضلوا اصحاب وممكن يفضلوا اصحاب على طول وممكن يكون لمدة طويلة او قصيرة واحتمالات كتيرة جدا ودة طبعا مش فى كل الحالات لكن بالوضع والطريقة اللى مذكورة فى الموضوع دة اكيد فاشل جدا وما ينفعش جدا جدا جدا ممكن اكون ما عرفتش اشرح وجة نظرى بس يارب تقدر توصلوكم والموضوع جميل جدا

هتبقى خطوبة فشنك ع الآخر
ده الناس بيبقوا قدام بعض وعارفين بعض من سنين ويكتشفوا فبعض اسرار كتير ويتغيروا بعد الجواز